PILULAK NOLA ERABILI

Webgunearen goiburuan, hasierako orriaz gain, pilulak, gidak eta iruzkinen eta ekarpenen atal bat aurkituko dituzue.

Pilulen atalean, saioetan landu beharreko gaiak daude. Giden atalak irakasleentzako material lagungarria biltzen du, eta, azkenik, iruzkinen eta ekarpenen zatiak gairen bat komentatzeko edo jardueraren bati buruzko ekarpenak egiteko bidea ematen du.

Ez da nahitaezkoa pilula guztiak egitea, banaka egiteko prestatuta baitaude. Baina gomendatzen da 0 pilula egitea beste edozein pilula egin aurretik, erabiltzaileek zer dakiten jakiteko. Horrek pilulen aurreko eta osteko ebaluazioa egiteko balioko digu.

Hasierako orrian materialari buruzko informazioa aurkituko duzue: nola erabili eta proiektuaren xehetasunak. Proiektuaren xehetasunen atal honetan sartuta, material hau zein helbururekin sortu dugun jakingo duzue; metodologiari, helburu didaktikoei, edukiei eta abarri buruzko informazioa aurkituko duzue.

Giden atalean, irakasleentzako gida aurkituko duzue. Gida honetan jarduerak egiteko azalpenak, irakasleentzako informazio osagarria eta zenbait eranskin aurkituko dituzue. Pilulekin hasteko, landu nahi duzuen sekuentzian klik egin besterik ez duzue egin beharko. Bat aukeratuta, jardueretara joan eta lanean hasteko aukera izango duzue. Jarduerak elkarren segidan egitea gomendatzen dugu, ezagutzak behar bezala eskuratu ahal izateko. Jarduera batetik bestera pasatzeko, hurrengo jarduerara eramango zaituzten botoia sakatu beharko duzue.